Halldór Baldursson skopteiknari segist eiga meiri samleið með Fréttablaðinu en Morgunblaðinu og mun hætta á því síðarnefnda um næstu mánaðarmót.

Flug hefur raskast heldur betur í dag, bæði utan og innanlands vegna verkfalls flugumferðastjóra. Forstjóri Icelandair segir þetta beint gegn leiðarkerfi fyrirtækisins en það verður fyrir mesta raskinu vegna þessa svo ekki sé minnst á farþegana. Fimm flugvélar áttu að fara frá Íslandi á á verkfallstímanum en ferðum þeirra var seinkað til klukkan ellefu. Rúmlega sjöhundruð manns áttu bókað flug með þeim. Seinni partinn varð líka rask og því talið að þetta hafi haft áhrif á ferðalög um 2000 manns.

Formaður flugumferðarstjóra, segir Ottó Garðar Eiríkssson er á línunni - þetta snýst ekki um hærri krónutölu í launum sagði hann ef marka má ummæli hans í spjalli í dag.

Fyrirtækið Atmos hefur nú vottun frá Google sem endursölu- og þjónustuaðili fyrir Google Apps, svokallaði samskipta- og samvinnulausn stórfyrirtækisins Google. Þóranna K. Jónsdóttir, framkvæmdastjóri og annar eigandi Atmos greinir frá þessari miklu nýjung sem Microsoft nær ekki að halda í við.

Í byrjun mánaðarins tók til starfa íslensk - kínverskur barnaskóli í Wande þorpinu í Sichuan héraði. Hjalti Þorsteinsson, sem hefur í í áratug búið í Sjanghæ er prímus mótor í byggingu skólans eftir mikinn jarðskjálfta vorið 2008. Hjalti sem er giftur þarlendri konu nýtti sér tenglsanet íslenskra fyrirtækja í Kína nefnt IBF (Icelandic Business Forum) en sjálfur var hann með ráðgjafar og innkaupafyrirtæki fyrir Íslendingana. Skólinn sem Íslendingarnir byggðu nefnist Barnaskóli vonarinnar.

Rannsókn lögreglunnar í mansalsmálinu þótti skila miklu og talið að hún hafi orðið til þess að sakfelling varð í héraðsdómi yfir 5 litháum hér á landi. Er lögreglan farin að starfa öðruvísi en áður? Og leiða upplýsingar hennar til þess að hægt verði að hjálpa lögreglunni í Litháen í tengdum málum? Þessu svarar Gunnar Schram, yfirlögregluþjónn á Suðurnesjum á jákvæðan hátt þótt ekki hafi formlega borist beiðni frá lögreglu ytra um gögn sem safnað í hérlendri rannsókn.

Platan Hesthúsið, sem kom út í dag, fjallar ekki um reiðvísur hestamanna heldur er hún fyrsta íslenska plata graðfolarapparans Didda Fel.

Winnie Mandela gagnrýnir harðlega Nelson Mandela - Gunnar Hrafn Jónsson, fréttamaður segir frá fyrrverandi og umdeildri eiginkonu Mandela og hvað hún lætur nú hafa eftir sér um fyrrverandi eiginmann og frelsishetju Suður Afríku í Evening Standard, bresku blaði.

Bæjarstjóri Vestmannaeyja segir þrjár til fimm ferðir Herjólfs á dag vera byltingu þó hann óski eftir hundrað ferðum til viðbótar á ári. Í nýjum tillögum bæjarráðs Vestmannaeyja til Vegagerðinnar um áætlun vegna Landeyjahafnar er ítrekað mikilvægi þess að fjórar ferðir verði milli lands og eyja alla daga ársins, vegna vöruflutninga og samstarfs sveitarfélaga á svæðinu. Elliði Vigninsson bæjarstjóri í Eyjum segir að bærinn muni líklega ekki gera aðra tilraun til að yfirtaka rekstur skipsins, þar sem ekki virðist vera vilji til þess hjá samgönguyfirvöldum að semja við bæinn.