Sporlaust

Í þessari bandarísku spennuþáttaröð segir frá sérsveit innan Alríkislögreglunnar sem hefur bækistöðvar í New York og er kölluð til þegar leita þarf að týndu fólki.

Þótt vandasamt sé að rannsaka þjófnaðarmál og dularfull dauðsföll þykir enn erfiðara að hafa uppi á fólki sem hverfur.

Jack Malone og samstarfsfólk hans í sérsveitinni er í stöðugu kapphlaupi við tímann þá þrjá sólarhringa eftir mannshvarf meðan enn eru taldar líkur á að hinn horfni finnist á lífi.

Aðalhlutverk leika Anthony LaPaglia, Poppy Montgomery, Marianne Jean-Baptiste, Enrique Murciano, Eric Close og Roselyn Sanchez.

Atriði í þáttunum eru ekki við hæfi barna.

004305-0013 13. Eyðingaröfl.

Sýnt: mánudagur 22. mars 2010 kl. 21.15.

Jack reynir að hafa uppi á lækni sem gerir ólöglegar fóstureyðingar á konum sem mansalshringur hefur þvingað í vændi - og hverfur sjálfur við þá eftirgrennslan.

004305-0012 12. Grein 32.

Sýnt: mánudagur 15. mars 2010 kl. 21.15.

Starfsmaður á spítala hverfur og hópur stríðsandstæðinga er grunaður um að hafa numið hann á brott.

004305-0011 11. Einkaspæjarinn.

Sýnt: mánudagur 8. mars 2010 kl. 21.15.

Einkaspæjari hverfur og margir gætu átt sök á því.

004305-0010 10. Jólasveinninn.

Sýnt: mánudagur 1. mars 2010 kl. 21.15.

Jólasveinn sem skemmtir börnum í verslunarmiðstöð hverfur en hann var áður talinn undrabarn og kann að vera flæktur í glæpastarfsemi.

004305-0009 9. Feilspor.

Sýnt: mánudagur 22. feb. 2010 kl. 21.15.

Kona hverfur mánuði eftir að hún er látin laus úr fangelsi og sérsveitin veltir því fyrir sér hvort orsökina sé að finna í vafasamri fortíð hennar.

004305-0008 8. Bardagi og hvarf.

Sýnt: mánudagur 15. feb. 2010 kl. 21.15.

Í þessum þætti hjálpast sérsveitin og Gil Grissom úr CSI-þáttunum að við að klófesta grunaðan morðingja.